Sámi
Eurohpadieđáhus doaibmá Helssega, olgoministeriija guovllos guđa dieđiheaddji ja ovtta doaimmahushoavdda vuimmiiguin. Dasa lassin okta dieđiheaddji bargá Roavenjárggas, Lappi universiteahta Árktalaš guovddážis. Su bargun lea dieđiheapmi, mii laktása Suoma ja EU:a árktalaš bargui.
Eurohpadieđiheami bargun lea dikšut álbmotdieđiheami goappánai ruovttueatnan gielain EU-áššiin, main lea váikkuhus suopmelaččaide. Eurohpadieđáhus bálvala luhtolaš, suopmelaš EU-diehtogáldun ja ovddida ságastallama EU-áššiin sihke buvttada materiála ja vástida EU-gažaldagaide. Eurohpadieđáhus bálvala buot olbmuid, earenoamážit vuhtii váldojuvvojit oahpaheaddjit, studeanttat ja doaimmaheaddjit.
Eurohpadieđáhus juolluda jahkásaččat álbmotservviide stáhtadoarjaga álbmotservviid Eurohpa-dieđiheapmái.
Eurohpadieđáhus bargá ovttasráđiid eanangottálaš, guovlluguovdasaš ja báikkálaš doibmiiguin EU-áššiid álbmotgulahallamis. Eurohpadieđáhus doaibmá olles riikkas nu ahte dat lágida semináraid ja ságastallandilálašvuođaid sihke oassálastá meassaide ja dáhpáhusaide, main fáddán lea EU.
Oahppolágádusat ja skuvllat leat dehálaš ovttasbargoguoimmit. Buvttadit máŋggabeallásaš materiála ja skuvlet oahpaheddjiid EU-áššiin. Ovdamearkkadihte bivnnuhis cuozzaráidomet ja diehtogilvospealut gávdnojit fierbmesiidduineamet.
Viggat dasa lassin fállat vejolašvuođaid ordnet skuvllaide oktasašlogaldagaid EU:s, ovdamearkkadihte čohkket eanet luohkáid oktii logaldaga várás. Gárgehit geažos áigge ovttasbargomet oahppolágádusaiguin ja skuvllaiguin daid dárbbuid mielde. Váldit mielalis máhcahaga vuostá.
Buvttadit EU-fáddásaš, nuvttá publikašuvnnaid, maid sáhttá lohkat ovdalačča viidát maiddái elektrovnnalaš veršuvdnan fierpmis, ja publikašuvnnaideamet sáhttá diŋgot skoviin, mii lea fierbmesiidduin. EU-materiála lea dás duohkonai oažžumis eanangottiid váldogirjerájuin.
EU-diehtobálvalussámet viggá vástidit jándora siste riikkavuložiid EU-gažaldagaide telefuvnna, rávdnjeboastta dehe ruovttusiidduideamet bakte. Beavttálmahttit maid diehtobálvalussámet fierpmis.
Váldit mielalis vuostá gažaldagaid ja máhcahaga Facebookas ja Twitteris, main sáhttá álkit čuovvut min ođasráhkadeami.
Sosiála media lea bures ovdan min dilálašvuođain, main Twitter lea albma buorre kanála ovddidit gažaldagaid ja kommeanttaid áigeguovdilis EU-áššiin.
Ođasreive almmustuvvá okte mánus. Ođasreive oidno min fierbmesiidduineamet, ja dan sáhttá diŋgot rávdnjebostii.
Váldde oktavuođa, go hálidat jearrat dehe ságastallat EU-áššiin!
Publikašuvnnat
